Маанайды көтөрүүнүн 5 жолу

Фарида Жумакадырова

Маанайыңыз болбосо, жумушка кылууга да көңүл тартпайт. Андай учурларда санааңызды сансыз суроолор курчап, жай бербей туруп алат. Ал үчүн алгач маанайды көтөрүү керек.

1. Эшикке чыгып кем дегенде 10 мүнөт чыгып сейилдеп келиңиз. Таза абада кенен дем алып, денеңизди сергитип, чөккөн маанайыңыз жазылып, өзүңүздү жакшы сезесиз. Болгон ачууңуздун кайда кеткенин байкабай да каласыз. Айлана-чөйрө болсун, куштардын сайраганы болсун, же тиричилик менен алып урушуп жаткан адамдар болсун тегеректе курчаган баардык аалым маанайыңызга таасир бербей койбойт.

2. Жаныңызга жакын музыга угуңуз. Музыка аркылуу көңүлдү көтөрөсүз. Кошулуп ырдасаңыз андан да керемет маанай тартуулай аласыз.

3. Депрессияга жол бербеңиз. Кээде адам жаны жалгыз калууну эңсеп, маанайы болбогон учурлар кездешет. Ошентсе да маанилүү иш башталганы турганда же болбосо жумуш үстүндө депрессияга алдырбаңыз. Мындай көңүлсүздү ишиңизге тоскоолдук жаратат.

4. Өткөн күндү ойлой берүүнү таштаңыз. Маанай болбой жатса, өткөн-кеткенди эске албаган оң. Келечекти ойлоп, оюңузду алдыга карай багыттаңыз. Пландарыңызды ишке ашыруу менен алек болуңуз.

5. Досторуңузга телефон чалыңыз. Маанай болбой жаткан кезде жаныңызга жакын адамдарга телефон чалыңыз. Ал-абалын сурап, баарлашыңыз. Керек болсо көптөн бери сүйлөшпөй жүргөн тааныштарыңыз менен сүйлөшсөңүз маанайыңыз бир жаркырап калат.

Ар дайым көңүлдүү жүрүңүздөр!