Россиянын Түркиядагы элчиси Андрей Карловду атып өлтүргөн Мевлют Мерт Алтынташтын сөөгү аты жоктордун көрүстөнүнө коюлат. Бул тууралуу “Риа Новости” агенттиги жарыялады.

Буга чейин кылмышкердин сөөгүн алып кетүүдөн туугандары баш тарткандыгын эжеси билдирген. Жергиликтүү мыйзамга ылайык сөөктү 15 күндө алып кетиши керек болсо, анын моргдо сакталып турганына 24 күн болгон.  

Маалыматтарга караганда учурда аны жашырууга байланыштуу процедуралар жасалууда. Иштер аткарылган соң террорчунун сөөгү жергиликтүү бийликке тапшырылат.  

Россиялык элчи Андрей Карлов 19-декабрда Анкара шаарында сүрөт көргөзмөдө атып өлтүрүлгөн. Ага жаш полиция кызматкери Мевлют Мерт Алтынташ кол салган. Коопсуздук күчтөрү кылмышкерди ошол замат жок кылынган.

Россиянын Тышкы иштер министрлиги окуяга терракт деп баа берген. Ал эми ошол эле өлкөнүн Тергөө комитети "Эл аралык террордук акт” беренеси боюнча кылмыш ишин козгогон.

Мээрим Искакова